नुवाकोटको मैथली व्यारेक खोल्चामा राखिएको ह्युमपाइप बगायो, सडक अवरुद्ध

नुवाकोट । शुक्रवार परेको वर्षाको कारण नुवाकोटको मैथली तालिम केन्द्रको विदुरतर्फ खोल्चामा राखिएको ह्युम पाइप बगाएको छ । बाढीले ह्युम पाइप बगाएसँगै सडक अवरुद्ध भएको छ ।

यसअघि पुलमा १३ गते राती पुगेको क्षति मर्मत गरेर आंशिक रुपमा सुचारु भएकोमा शुक्रबार रातीको पानीले पुनः क्षति पुराएसगै सवारी आवागमन अबरुद्ध भएको छ ।

गएको बुधबार राती ८ बजेदेखि पूर्ण रुपमा ठप्प भएको सडक माटो भरेर बिहीबार बिहानदेखि सञ्चालनमा ल्याएकोमा उक्त माटो शुक्रबार राती परको वर्षाले पुनः बगाएसँगै सडक पुन अबरुद्ध भएको हो ।

सडक अबरुद्ध बरुद्ध हुदाँ यातायातका साधनहरु ठप्प भएका छन् । अबरुद्ध भएको सडकको खुलाउनको लागी पहल भइरहेको प्रमुख जिल्ला अधिकारी जीवनप्रसाद दुलालले जानकारी दिए ।

सडक सुचारु हुन केही समय लाग्ने बताइएको छ ।