गेर्खु स्वास्थ्य चौकीमा स्वास्थ्य सामाग्री वितरण

नुवाकोट । यसोदादेवी भगवानसिंह केसी मेमोरियल ट्रस्टले नुवाकोटको विदुर नगरपालिका वडा नम्बर ११ मा रहेको गेर्खु स्वास्थ्य चौकीसहित लिखु र शिवपुरीका विभिन्न वडाहरुमा स्वास्थ्य सामाग्री वितरण गरेको छ ।

शुक्रबार यशोदादेवी भगबान सिंह मेमोरियल ट्रष्टले नुवाकोटको विभिन्न स्थानीय तहमा गरि ४ थान अक्सिजन कन्सनट्रेटर माक्स र स्यानीटाइजर लगायतका स्वास्थ्य सामाग्रीहरु वितरण गरेको हो ।

यसोदादेवी भगवान सिंह केसी मेमोरियल ट्रस्टले आज नुवाकोटको विदुर नगरपालिका साविकको खडका भन्ज्याङ्ग, कल्याणपुर, गेर्खु र शिबपुरि गाउँपालिकाको वडा नं ३ , लिखु गाउँपालिकाको सम्बन्धित वडा कार्यालय र मातहतका स्वास्थ्य संस्थामा रहने गरी एक एकवटा अक्सिजन कन्सन्ट्रेटरसहित मास्क स्यानिटाइजर लगायतका स्वास्थ्य सामग्री वितरण गरिएको ट्रष्टका महासचिव जगदिश्वरनरसिंह केसीले जानकारी दिए ।

पछिल्लो समय देशव्यापी रूपमा फैलिरहेको कोरोना भाइरस कोभिड-१९ सङ्क्रमणको उपचार तथा नियन्त्रणमा राजनीतिभन्दा माथि उठेर आफ्नो अर्को नहेरी आफूहरु मानवीय सेवामा तल्लीन रहेको ट्रष्टका महासचिव केसीले बताए।