‘राज्यको सम्पूर्ण शक्ति कोरोना नियन्त्रण लगाऔँ : अर्जुननरसिंह केसी

नुवाकोट । नेपाली कांग्रेसका नेता अर्जुननरसिंह केसीले राज्यको सम्पूर्ण शक्ति कोरोना नियन्त्रणमा लगाउनुपर्ने बताउनुभएको छ ।

सोमबार नुवाकोटमा आयोजित कार्यक्रममा बोल्दै नेता केसीले सरकारले विकास र समृद्धिका ठूला कुरा नगरी नागरिककोृ जीवन रक्षाका लागि राज्यको सम्पूर्ण शक्ति र सम्पति लगाउनुपर्ने बताउनुभएको हो ।

राजनीति पछि पनि गर्न सकिने भन्दै उहाँले पहिले जीवन बचाउन सरकारको ध्यानाकर्षण गराउनु.भयो । उहाँले भन्नुभयो, ‘हामी सरकारलाई पनि भन्न चाहान्छौं, अहिले तिमी ठूला–ठूला विकास, समृद्धिका सपना, झुटको खेती नगर । भएभरको राष्ट्रिय शक्ति र सम्पत्तिको कोभिड महामारीबाट मुक्त बनाउनका लागि प्रयोग गर ।’

उहाँले थप्नुभयो, ‘पहिले नेपाली जनता बाँचुन्, पहिले नेपाली जनताको सुरक्षा गरौं । राजनीति भोलि गरौँला । राजनीति पछि गर्न सकिन्छ । अहिले जनताको स्वास्थ्य नै केन्द्रविन्दु हो भन्ने राष्ट्र, राजनीतिक दल र सरकार सबैले लिनुपर्छ ।’

 

त्यसक्रममा, नेता केसीले यसोदादेवी–भगवान सिंह केसी मेमोरियल ट्रस्टको तर्फबाट नुवाकोटका बेलकोटगढी नगरपालिकाका विभिन्न वडा, सूर्यगढी गाउँपालिका, तादी गाउँपालिका, दुप्चेश्वर गाउँपालिकालगायत पालिका र वडाहरुका लागि एक/एकवटा अक्सिजन कन्सन्ट्रेटरसहित मास्क, स्यानिटाइजर लगायतका स्वास्थ्य सामग्री वितरण गर्नुभएको थियो ।

उक्त ट्रस्टका तर्फबाट नेता केसीले नुवाकोटका विभिन्न स्थानमा यसअघि पनि थुप्रैं पटक स्वास्थ्य सामग्री वितरण गर्नुभएको थियो ।