आशा लघुवित्तद्धारा प्रहरीलाई सेनिटाईजर, पन्जा र मास्क सहयोग

नुवाकोट । आशा लघुवित्त वित्तीय संस्था देविघाट शाखाले प्रहरी चौकी देविघाटलाई स्वास्थ्य सामग्री प्रदान गरेको छ ।

नुवाकोटको विदुर नगरपालिका वडा नम्बर ५ देविघाटमा रहेको प्रहरी चौकीमा खटिएका प्रहरीहरुको स्वास्थ्य सुरक्षालाई मध्येनजर गर्दै संस्थाले मास्क, फेस शिल्ड तथा सेनिटाइजर सहयोग गरेको हो ।

संस्थाका देविघाट शाखा प्रमुख सिता धमला तथा कर्मचारी माधव रिजालले बुधवार देविघाटमा पुगेर प्रहरी उक्त सामाग्रीहरु हस्तान्तरण गरेका हुन् ।

ड्युटिमा खटिएका प्रहरीहरुलाई स्वास्थ्य सामाग्री अत्यावश्यक भएकोमा सहयोग गरेको आशा लघुवित्त वित्तीय संस्थाका देविघाट शाखा प्रमुख सिता धमलाले जानकारी दिइन् ।