त्रिशुली अस्पतालमा कोभिड सम्बन्धी हटलाईन सेवा सञ्चालनमा

विदुर खबर २०७८ वैशाख २० गते २१:१७

नुवाकोट । कोभिड-१९ सम्बन्धि हटलाईन सेवा लिनको त्रिशुली अस्पताल (जिल्ला)ले आजदेखि हटलाईन सेवा सुरु गरेको छ ।

सोमबार अस्पतालले एक सूचना जारी गर्दै अस्पतालले सोमबार एक सूचना जारी गर्दै विश्वव्यापी महामारीको रुपमा फैलिरहेको नयाँ प्रकारको कोभिड-१९ को सङ्क्रमण नुवाकोटमा बढ्दो क्रममा रहेको र यसै त्रिशुली अस्पतालमा कार्यरत चिकित्सक तथा स्वास्थ्यकर्मीहरुलाई समेत कोभिड सङ्क्रमण देखिएको भनिएको छ ।

अस्पतालका प्रशासकीय अधिकृत देवराज पोखरेलद्वारा हस्ताक्षरित सूचनामा भएको छ “प्रशासनले मङ्गलबारदेखि जिल्लामा निशेधाज्ञा समेत जारी गरिसकेको हुदाँ कोभिड-१९ सङ्क्रमणले सृजन भएको जटिल परिस्तिथिलाई मध्यनजर गर्दै कोभिड सङ्क्रमणबाट कुनै पनि समस्या भएको खण्डमा अस्पतालको कोभिड सम्बन्धि हटलाईन सेवा लिनको लागि अस्पतालको कोभिड हटलाईन नम्बर ९७४२-५५६५१८ मा सम्पर्क गरी स्वास्थ्य परामर्श सेवा लिन सकिने छ।”