बट्टार क्याम्पसको अध्यक्षमा रामशरण प्याकुरेल

नुवाकोट । नुवाकोट ,रसुवा र धादिङ जिल्लाकै पहिलो क्याम्पस नुवाकोट आदर्श बहुमुखी क्याम्पसको व्यवस्थापन समितिको अध्यक्षमा रामशरण प्याकुरेल नियुत्त भएका छन् ।

त्रिभुवन विश्वविद्यालय उपकुलपतिको कार्यलयबाट च.न. ३१४÷०७७÷०७८ को पत्र अनुसार उनलाई संचालक समितिको अध्यक्षको जिम्मेवारी दिइएको थियो । उनलाई तीन महिनामा नयाँ अध्यक्ष निर्वाचित गराउने जिम्मा दिइएको छ ।

अन्तरिम कालका लागि क्याम्पसको अध्यक्ष बन्न विदुर नगरपालिकाका मेयर सञ्जु पण्डित र पूर्व मेयर ठाकुर गजुरेलले समेत प्रयास गरेका थिए । यस्तै क्याम्पसको अध्यक्षका लागि युवाहरूको नेपाली कांग्रेसका तर्फबाट सहमहामन्त्री डा प्रकाशशरण महतले निवतर्मान अध्यक्ष श्रीराम श्रेष्ठलाइ जिम्मेवारी दिन लबिङ गरेका थिए ।

तर त्रिभुवन विश्वविद्यालयका उपकुलपति धर्मकान्त बाँस्कोटाले प्याकुरेललाइ क्याम्पसको जिम्मेवारी दिएका छन् । प्याकुरेलका लागि क्याम्स सुधार गर्न अवसर र चुनौति दुबै रहेको छ ।

चैत अन्तिम साता नै प्याकुरेलले जिम्मेवारी पाएको भए पनि बिहीबार नुवाकोटको त्रिशुली प्रवाह साप्तहिक मार्फत प्याकुरेलको जिम्मेवारी पत्र सार्वजनिक भएको हो ।

विदुर नगरपालिका वडा नम्बर १० गेर्खुटार घर भएका प्याकुरेल नेकपा एमाले बाग्मती प्रदेश सम्पर्क कमिटिको सचिब समेत रहेका छन् ।