विदुर नगरपालिकाका महिला स्वास्थ्य स्वंसेविका जुटे

नुवाकोट । नुवाकोटको विदुर नपामा रहेको महिला स्वास्थ्य स्वंसेविकाहरु एकजुट भएका छन् । बिदुर नगरपालिका क्षेत्रमा कार्यरत रहेका नगर महिला स्वास्थ्य स्वयम सेबिकाहरुको प्रथम भेला विदुरमा सम्पन्न भएको छ ।

भेलाको उद्घाटन बिदुर नगरपालिकाका मेयर सन्जु पण्डितले उद्घाटन गरे । उनले स्वास्थ्य सेवा नागरिकको महत्वपुर्ण अधिकार भएका कारण महिला स्वास्थ्य स्वंसेविकाहरुलाई उचित सेवा वृद्धि गर्न नपा सकारात्मक रहेको वताए ।

विदुर नपाकी उपमेयर गीता दाहालअर्यालले विदुर नगरपालिकाले सबै नागरिकहरुको पँहुच भित्र स्वास्थ्य सेवा पु¥याउने उद्धेश्यलाई महिला स्वास्थ्य स्वंमसेविकाहरुले अक्षरंस पालना गर्दै काम गरेको वताइन् । विदुर नगरपालिकाको १३ वटै वडामा रहेका सबै महिला स्वास्थ्य स्वयंसेबिकाहरुलाई प्राथमिक उपचार बिधि र बाक्सा समेत नगरपालिकाले प्रदान गरेको छ ।

कार्यक्रममा सहभागी स्वास्थ्य स्वयम सेबिकाहरुले ६० बर्ष उमेर सम्म दुःख गर्दा अबकास पछि भने आफुहरुलाई उपेक्षा गरेको गुनासो गरेका छन् । ६० बर्ष सम्म स्वास्थ्यको क्षेत्रमा उल्लेखनिय कार्य गरेर अबकास हुने समयमा सरकारले दिने २० हजार रुपैयाँ मात्रै पाउने गरेको उनीहरुले गुनासो गरेका छन् ।

सरकारले दिने सो रकममा विदुर नगरपालिकाले केहि थपेर दिनको लागी उनीहरुले अनुरोध गरेका छन् । उनीहरुले समय समयमा तालिम तथा क्षमता अभिबृद्धिका कार्यक्रमहरु सञ्चालन गर्नको लागी समेत माग गरेका छन् ।

कार्यक्रममा बिदुर नगरपालिकाका जनस्वास्थ्य निरिक्षक रामराजा भण्डारीले महिला स्वास्थ्य स्वयमसेबिकाहरुको मागलाई सकारात्मक रुपमा लिएको वताएका छन् । नगरपालिकाको कार्यबिधि र नियममा रहेर उनीहरुको मागलाई सम्बोधन गर्ने तर्फ नगरपालिका क्रियाशील रहेको जनाइएको छ ।