नुवाकोट । विदुर नगरपालिका वडा नम्बर १० मा रहेको गोसाइकुण्ड युवा क्लबले वृद्दवृद्धाहरुलाई न्यानो कपडा वितरण गरेको छ ।

वेत्रावतिमा रहेका २४ जना वृद्धवृद्दाहरुलाई माघ पर्वको अवसर पारेर न्यानो कपडा वितरण गरिएको गोसाइकुण्ड युवा क्लबका सदस्य तथा स्थानिय युवा पर्वत डंगोलले जानकारी दिए ।

नुवाकोटको ऐतिहासिक पर्व गोरुजुधाई मेलाको अवसर पारेर क्लबले वृद्धवृद्धालाई न्यानो कपडा वितरण गरेको हो । क्लबले मेलाको अवसर पारेर प्रत्येकलाई एकसेट सिरक वितरण गरेको । वृद्धवृद्धालाई न्यानो कपडा विदुर नगरपालिका वडा नम्बर १० का वडाध्यक्ष गणेशकुमार नेपाल र क्लबका अध्यक्ष ज्ञानकुमार डंगोलले संयुत्त रुपमा हस्तान्तरण गरेका हुन् ।

गोसाइकुण्ड युवा क्लबले नुवाकोट र रसुवाको सिमाना वेत्रावतिमा प्रत्येक वर्ष गोरु जुधाई मेलाको आयोजनाको अत्तिरित्त विभिन्न धार्मिक एवं सामाजिक काम गर्दे आएको छ ।