दुप्चेश्वर मन्दिरमा भत्तजन घटे

नुवाकोट । नुवाकोटको दुप्चेश्वर गाउँपालिका वडा नम्बर ६ मा रहेको महादेव मन्दिरमा मेला भर्न भत्तजनहरुको संख्या घटेको छ ।

विगतका वर्षहरुमा मेला अवलोकन गर्न आउनेहरुको संख्या अत्याधिक भएपनि यो वर्ष उल्लेख्य रुपमा कमी आएको छ । कोरोना भाइरसको संक्रमण लगायतका कारणले मन्दिरमा आउने भत्तजनहरुको संख्यामा कमी आएको बताइएको छ । मेलाको क्रममा धान्य पुर्णिमाको अघिल्लो दिन दुप्चेश्वर मन्दिुरमा आउनेको भिड अगिल्लो वर्षभन्दा ह्वातै बढेको मन्दिरका पुजारीले बताएका छन् ।

शिवरात्रीपछि सबैभन्दा ठुलो मेलाको रुपमा लिइने धान्य पुर्णिमा मेलालाई विशेष गरि सन्तान नभएका दम्पत्तिहरु सन्तान प्राप्त हुने आशा लिएर दुप्चेश्वर पुग्ने गरेका छन् । यसैगरि कतिपय सन्तान भएपछिको भाकल पुरा गर्न दुप्चेश्वर पुग्ने गरेका छन् । यसैगरि बोली नफुटेका बालबालिकालाई दुप्चेश्वर मन्दिर दर्शन गराएमा बोली फुट्ने समेत धार्मिक मान्यता रहेको छ ।