नुवाकोटका ५ जना बन्दुकसहित पक्राउ

नुवाकोट । नुवाकोटको विदुर नगरपालिका वडा नम्बर ८ पिडालुबारीबाट ५ जना बन्दुकसहित पक्राउ परेका छन् ।

पक्राउ पर्नेमा म्यागङ गाउँपालिका ३ का रवीन तामाङ,अमर तामाङ, र अन्य तीनजना रहेका छन् । बन्दुक लिएर जंगलमा वन्यजन्तुको सिकार गर्न गएको समयमा दुईनाल बन्दुक र त्यसमा लाग्ने एक सय ग्राम बारुदसहित उनीहरुलाई शनिबार पक्राउ गरिएको नुवाकोटका प्रहरी प्रमुख तुलबहादुर कार्कीले बताए ।

उनीहरुले बन्दुक प्रयोग गरेर लामो समयदेखि सिकार गर्दै आएको सूचनाको आधारमा उनीहरुालई पक्राउ गरिएको जिल्ला प्रहरी कार्यालय नुवाकोटले जनाएको छ ।