लकडाउनपछि नुवाकोटको जनजीवन सामान्य बन्दै,सुर्यगढीमा निषेधाज्ञा जारी

विदुर । कोरोना संक्रमणको त्रासका कारण करिब ४ महिनादेखि जारी लकडाउन खुल्ला गरिएसँगै भएसंगै नुवाकोटको जनजीवन सामान्य अवस्थामा फर्कन थालेको छ ।

केन्द्र सरकारले देशभर लकडाउन साउन १ गतेदेखि खुल्ला गर्ने निर्णयसँगै नुवाकोटमा पनि लकडाउन खुल्ला गरिएको थियो । तर लकडाउन खुलेपनि उच्च रुपमा सावधानी नअपनाइँदा जिल्लामा कोरोना संक्रमण भने दिनानुदिन बढ्दै गएको छ । अहिलेसम्म नुवाकोटका ३७ जनामा कोरोना संक्रमण देखिएको स्वास्थ्य कार्यालय नुवाकोटले जनाएको । जसमध्ये ३४ जना निको भएर घर फर्किसकेको स्वास्थ्य कार्यालय नुवाकोटले जनाएको छ ।

बाँकी रहेका ३ जनाको त्रिशुली अस्पताल र सशस्त्र प्रहरी वलको कोभिड अस्पतालमा उपचार भइरहेको स्वास्थ्य कार्यालय नुवाकोटले बताएको छ ।

सुर्यगढीमा निषेधाज्ञा जारी
यसैविच सुर्यगढी गाउँपालिकामा स्थानिय स्तरमा कोरोना संक्रमण देखिएको भन्दै जिल्ला प्रशासन कार्यालय नुवाकोटले निषेधाज्ञा घोषणा गरेको छ ।

गाउाँपालिकाको वडा नम्बर २ मा रहेको क्वारेन्टाइनमा रहेका २४ वर्षिय एक पुरुषमा कोरोना संक्रमण देखिएसँगै सुर्यगढीको केही स्थानमा निषेधाज्ञा जारी गरिएको नुवाकोटका प्रमुख जिल्ला अधिकारी झंकनाथ ढकालले जानकारी दिनुभयो ।