नुवाकोटमा कोरोना संक्रमितको संख्या २८ पुग्यो

विदुर । नुवाकोटमा कोरोना संक्रमितको संख्या २८ पुगेको छ ।

जिल्ला स्वास्थ्य कार्यालय नुवाकोटका अनुसार विदुर नगरपालिकाका ३० वर्षिय पुरुषमा कोरोना संक्रमणका पुष्टि भएसँगै जिल्लामा कोरोना संक्रमितको संख्या २८ पुगेको हो । स्वास्थ्य कार्यालय अनुसार पाटन अस्पतालमा गरिएको पिसिआर परिक्षण गर्दा उनमा कोरोना संक्रमणको पुष्टि भएको हो । उनको अवस्था अहिले सामान्य रहेको कार्यालयका सुचना अधिकारी उत्तम खनालले विदुर खबरलाई बताए ।

हालसम्म नुवाकोटका १६ जना कोरोनामुत्त भएर घर फर्किएको खनालले जानकारी दिए । नुवाकोटका कोराना संक्रमितहरुको अहिले त्रिशुली अस्पतालको आइसोलेसन वार्ड, तादी गाउँपालिकाको खरानीटार अस्पतालमा र पाटन अस्पतालमा उपचार भइरहेको छ ।

जसमध्ये त्रिशुली अस्पतालको आइसोलेसन वार्डमा ९ जना उपचाररत रहेका छन भने खरानीटार अस्पतालमा २ जना र पाटन अस्पतालमा एक जना गरि १२ जनाको उपचार भइरहेको कार्यालयको भनाई छ ।