नुवाकोटमा थप एकजनामा कोरोना संक्रमणको पुष्टि

विदुर । नुवाकोटमा थप एकजनामा कोरोना संक्रमणको पुष्टि भएको छ ।

राष्ट्रिय जनस्वास्थ्य प्रयोगशाला टेकुमा गरिएको परिक्षणमा म्यागङ गाउँपालिकाका १८ वर्षिय पुरुषमा कोरोना संक्रमण देखिएको स्वास्थ्य कार्यालय नुवाकोटले जनाएको छ । संक्रमति युवक म्यागङ गाउँपालिकाको क्वारेँटाइनमा रहेको बुझिएको छ । यो सँगै नुवाकोटका कोरोना संक्रमितहरुको संख्या ६ पुगेको छ भने एकजना निको भएर घर फर्किसकेका छन ।

यसअघि नुवाकोटमा विदुर नगरपालिका, बेलकोटगढी नगरपालिकामा र ककनी गाउँपालिकामा एक÷एक र म्यागङ गाउँपालिकामा २ जनामा संक्रमण देखिएको थियो ।