नुवाकोटमा लकडाउन खुलेको हो ?

नुवाकोट । कोरोना भाइरस संक्रमण रोकथामका लागि सरकारले गत चैत ११ गतेदेखि देशभर लकडाउन घोषणा गरेको छ ।

तर नुवाकोटको बजार क्षेत्रको आजको दृष्यले लकडाउन हटिसकेको हो कि भन्ने भान हुन्छ । किनभने नुवाकोटका बजार क्षेत्रका सडकमा गाडीहरुको ताँती लागेको छ । बिहान कार्यालय समय सुरु हुने बेला सडकमा गाडीहरुको लामो लाइन थियो भने बैंक तथा वित्तिय संस्थामा सर्वसाधारणको बाक्लो भिड लागेको थियो ।

त्यस्तै सरकारले गरेको लकडाउन आगमी दिनमा थेग्न नसकिने भन्दै आफुहरु कामकाजमा निस्किएको सर्वसाधारणहरुको भनाई रहेको छ ।

त्यस्तै लामो समयको लकडाउनले आफुहरुको व्यवसाय धरापमा परेको व्यापारीहरुले बताएका छन ।
उनीहरुले सरकारले समयमै कर तिर्न र बैंकको व्याज तिर्न समेत दबाब आएकोले आफुहरु पसल खोल्न बाध्य भएको बताएका छन ।