लिखुका स्वास्थ्यकर्मीलाई ट्रेड युनियन काँग्रेस नुवाकोटद्वारा ‘पिपिइ’ वितरण

लिखु । लिखु गाउँपालिकाका स्वास्थ्यकर्मीहरुका लागि नेपाल ट्रेड युनियन काँग्रेस नुवाकोटले ब्यक्तिगत सुरक्षा उपकरण (पिपिइ) वितरण गरेको छ ।

सोमबार बिहान युनियनका जिल्ला अध्यक्ष शिव देबकोटाले लिखु गाउँपालिका अध्यक्ष ध्रुव श्रेष्ठ र वडा नम्बर ६ का वडाध्यक्ष अध्यक्ष हरिशरण लामिछानेको रोहवरमा गाउँपालिकाका स्वास्थ्य संयोजक भीमबहादुर रोकालाई ४ थान पिपिइ हस्तान्तरण गरेका हुन् । त्यसक्रममा गाउँपालिका अध्यक्ष श्रेष्ठले ट्रेड युनियनको सहयोगले अग्रपंक्तिमा रहेर काम गरिरहेका स्वास्थ्यकर्मीहरुको मनोबल उच्च हुने बताए । श्रेष्ठले आम नागरिकलाई कोरोना संक्रमणबाट जोगाउन सबैको ऐक्यबद्धता आवश्यक रहेको उल्लेख गरे । त्यस्तै ट्रेड युनियन नुवाकोटका अध्यक्ष देबकोटाले आगामी दिनमा स्वास्थ्यकर्मी र सुरक्षाकर्मीलाई आवश्यक ब्यक्तिगत सुरक्षा उपकरण उपलब्ध गराउने तयारी भईरहेको जानकारी दिए ।

यसअघि पनि ट्रेड युनियन नुवाकोटले जिल्लाको विभिन्न स्थानिय स्वास्थ्यकर्मी र संचारकर्मीहरुलाई आवश्यक सामग्री उपलब्ध गराईसकेको छ ।