तुप्चेमा मृत अवस्थामा भेटिएका युवकको पहिचान खुल्यो

बट्टार । नुवाकोटको विदुर नगरपालिका वडा नम्बर ७ र ९ को सिमाना अधेरी खोलामा मृत अवस्थामा भेटिएका युवकको पहिचान खुलेको छ ।

मृत अवस्थामा भेटिएका युवक लिखु गाउँपालिका वडा नम्बर १ का २६ वर्षिय कृष्ण भट्ट रहेको जिल्ला प्रहरी कार्यालय नुवाकोटले जनाएको छ । उनी किस्पाङको अर्चलेबाट लिखु १ मा वसाईसराई गरेर आएको बुझिएको छ । उनको शव अहिले आफन्तलाई जिम्मा लगाउने काम भइरहेको प्रहरीले जनाएको छ ।

घटनास्थल नजिकै साईकल भेटिएकोले उनको साईकल दुर्घटनामा मृत्यु भएको आशंका गरिएको कोलनी प्रहरी चौकीका असई हरिमान शाक्यले जानकारी दिए । घटनाको थप अनुसन्धान भइरहेको नुवाकोट प्रहरीले जनाएको छ ।