साझा पार्टीद्धारा नुवाकोटद्दारा नेपाल र सशस्त्र प्रहरीलाई पन्जा वितरण

विदुर । साझा पार्टी नुवाकोटले जिल्लाको सुरक्षामा खटिएका नेपाल र सशस्त्र प्रहरीलाई स्वास्थ्य पन्जा वितरण गरेको छ ।

साझा पार्टी नुवाकोटका संयोजक दामोदर नेपालको नेतृत्वमा गएको टोलीले जिल्ला प्रहरी कार्यालयमा पुगेर प्रहरी प्रमुख अविनारायण काफ्ले र सशस्त्र प्रहरी गुल्म १९ का जनक सापकोटालाई पन्जा वितरण गरेका हुन । कोभिड –१९ को कारण सरकारले जारी गरेको लकडाउन कार्यान्यन गर्न सडकमा बसेर सहजीकरण गरेका प्रहरीलाई स्वास्थ्य सामाग्री प्रदान गरिएको साझा पार्टी नुवाकोटका संयोजक दामोदर नेपालले जानकारी दिए ।

साझा पार्टी नुवाकोटले १० बक्स पन्जा जिल्ला प्रहरी कार्यालय विदुर,सशस्त्र प्रहरी गुल्म नम्बर १९ लाई ५ बक्स पन्जा, देविधाट प्रहरी चौकीलाई २ बक्स र तारुका प्रहरी चौकीलाई ३ बक्स गरी २० बक्स पन्जा वितरण गरिएको छ ।

काममा खटिएका प्रहरीका जवानहरु पन्जा नलगाई बस्दा असुरक्षित देखिने भएकोले केही सहयोग गरिएको साझा पार्टी नुवाकोटले जनाएको छ ।