नुवाकोटमा एकजनामा कोरोनाको आशंका, त्रिशुली अस्पतालको आइसोलेसनमा राखियो

विदुर खबर २०७७ वैशाख २४ गते २०:०३

                                                                         सांकेतिक तश्वीर ।

नुवाकोट । नुवाकोटको विदुरमा कोरोनाको लक्षणसँग मिल्दोजुल्दो एक विरामी भेटिएपछि उनलाई त्रिशुली अस्पतालमा रहेको आइसोलेसनमा राखिएको छ ।

Advertisement

एक महिना अघि भारतको दार्ज्लिङ्गबाट विदुर फर्किएका उनमा आज कोरोना भाइरससंग मिल्दोजुल्दो लक्षण फेला परेपछि त्रिशुली अस्पतालको आइसोलेसनमा राखिएको स्वास्थ्य कार्यालय नुवाकोटका प्रमुख सागरप्रसाद घिमिरेले जानकारी दिए ।
घिमिरेका अनुसार आज दिउँसो ज्वरो आएर त्रिशुली अस्पताल पुगेका उनमा संक्रमणको लक्षण बढि मिल्दोजुल्दो भएपछि आइसोलेसनमा राखेर उपचार थालिएको हो । उनको स्वाव संकलन गरेर थप परीक्षणको लागि काठमाडौं पठाइएको छ । उनको स्वाव परीक्षणको प्रतिवेदन पर्सीसम्ममा आउने बताइएको छ ।

यस अघि पनि नुवाकोटमा दुई जनालाई त्रिशुली अस्पतालको आइसोलेसन वार्डमा राखेर उपचार गरिएको थियो । उनीहरुको स्वाव परीक्षणबाट भाइरसको संक्रमण नदेखिएपछि घर पठाइएको थियो ।

Advertisement

प्रतिक्रिया