जबर्जस्ती नुवाकोट प्रवेश गरेका ६ चिनियाँलाई अध्यागमन पठाइयो

नुवाकोट । जबर्जस्ती जिल्ला प्रवेश गरेका ६ जना चिनियाँ पर्यटकलाई अध्यागमन कार्यालय काठमाडौंको जिम्मा लगाइएको छ ।

उनीहरू पोखरादेखि पैदल हिँडेर सोमबार साँझ नुवाकोट प्रवेश गरेका थिए । उनीहरू चीनको सीमा रसुवा पोर्ट हुँदै केरुङ जान खोजेको जिल्ला प्रहरी कार्यालयका सूचना अधिकारी राजेश थापाले बताए ।

 

मार्च महिनामा नेपाल आएका उनीहरू भिसा अवधि सकिएपछि पैदल नै तिब्बतको केरुङ हुँदै घर जान चाहेका थिए । उनीहरू ४ पुरुष, एक महिला र एक बालिका थिए ।