जेष्ठ नागरिकहरुसँग दु:ख बाँड्दै पन्चकन्या र लिखुका युवाहरु

देविघाट । पुरै अहिले विश्वभर कोरोना भाइरसको महामारी चलिरहेको छ । यसको असर नेपालजस्तो विकासोउन्मुख देशहरुमा पनि पर्ने नै भए ।

विश्वभर महामारी फैलाएको यो रोगको संक्रमण फैलन नदिन सरकारले यहि चैत्र ११ गतेबाट पुरै देशभर लकडाउनको घोषणा गर्र्यो भने जिल्ला सुरक्षा समिति नुवाकोटले जिल्लालाई निषेधाज्ञाको घोषणा गर्र्याे । कतिले यो लकडाउनलाई कमाउने र कालोबजारी गर्ने मौकाको समयको रुपमा लिएका छन भने केही मनकारीहरुले विपतको समयमा समेत वृद्धवृद्धा,मजदुर,असहाय र गरिवहरुसँग दुख बाँड्दै हिँडिरहेका छन ।

उनीहरु हुन पन्चकन्या गाउँपालिका वडा नम्बर १ का भगवान पौडेल, वडा नम्बर २ का विष्णुहरी मिश्र, जीवन श्रेष्ठ, शिशिर मिश्र, लिखु गाउँपालिका वडा नम्बर ४ का रामचन्द्र अगस्ती र सिङ्गो पन्चकन्या गाउँपालिका र लिखुका युवाहरु । उनीहरु यो विपतको समयमा पनि दिनदुखीसँग दुद बाँड्दै हिडिरहेका छन । उनीहरुले देविघाटमा रहेको जेष्ठ नागरिक संरक्षण तथा अध्ययन प्रतिष्ठानमा रहेका जेष्ठ नागरिकहरुलाई खाद्यान्न र र तरकारी वितरण गरेका छन भने मजुदरहरुलाई समेत राहात वितरण गरेका छन ।

जिल्लाभरका विभिन्न स्थानिय तह र वडाहरुले ५ किलो राहात वितरण गरेर दुईदर्जन फोटो सेसन गरिहेको अवस्थामा लिखु र पन्चकन्याका यी युवाहरुले गरेको सामाजिक कामलाई कम आक्न गर्न सकिँदैन । गत मंगलबार प्रतिष्ठानमा रहेका वृद्धवृद्धाहरुलाई करिव २५ हजार रुपैयाँ बरावरको खाद्यान्न सामाग्री वितरण वितरण गरेका यि युवाहरुले शनिवार पुनः त्यही गएर तरकारी वितरण गरेका छन । प्रतिष्ठानमा रहेका वृद्धवृद्धहरुलाई खाद्यान्नको व्यवस्था मिलाएका यी युवाहरुले प्रतिष्ठानका अध्यक्ष विष्णुप्रसाद नेपालले तरकारीको अभाव भएको बताएपछि युवाहरुले तरकारीको बन्दोबस्त गरिदिएका हुन ।
जेष्ठ नागरिकहरुलाई लकडाउनको समयमा खाद्यान्न र तरकारकिो अभाव नहोस भन्ने अभिप्रायले खाद्यान्न र तरकारी वितरण भगवान पौडेलले विदुर खबरलाई जानकारी दिए । उनले लकडाउनको समयमा समस्यामा परेका जेष्ठ नागरिक, मजदुर र असहायलाई सबैसँग केही सहयोग मागेर सामाग्री जुटाएको बताए ।

त्यस्तै अर्काे युवा रामचन्द्र अगस्तीले लकडाउनको समयमा जिल्लामा रहेका विभिन्न ,वृद्धवृद्धा,असाहाय, विपन्न र फरक क्षमता बढी भएका मानिसहरु बढी प्रभावित हुने गरेको भन्दै त्यस्ता व्यत्तिको पहिचान गरेर आफुहरु केही भएपनि सहयोग गर्न एकजुट भएको बताए ।

उनीहरुले शनिवार मात्रै प्रतिष्ठानमा पुगेर बन्दा,भन्टा,फर्सी। आलु ,अण्डा लगायतका तरकारीहरु प्रतिष्ठानका अध्यक्ष नेपाललाई हस्तान्तरण गरेका छन । त्यस्तै प्रतिष्ठान र अन्य स्थानमा रहेका मजदुरहरुलाई आगामी दिनमा पनि आवश्यकताको आधारमा सहयोग वितरण गर्ने बताए ।