नुवाकोटमा मुख्यमन्त्री जनता स्वास्थ्य परीक्षण कार्यक्रम शुरु

नुवाकोट । वागमती प्रदेश सरकारले घोषणा गरेको मुख्यमन्त्री जनता स्वास्थ्य परीक्षण कार्यक्रम जिल्ला अस्पताल त्रिशुलीमा शुरु गरिएको छ ।

मुख्यमन्त्री जनता स्वास्थ्य परीक्षण कार्यक्रममा वडा कार्यालयको सिफारिसमा अति गरिब, महिला, दलित र बिपन्नलाई निःशुल्क स्वास्थ्य परीक्षण गरिनेछ । जिल्ला अस्पतालमा वडाको सिफारिस लिएर आउने अति विपन्न, दलित, जनजाति, लोपोन्पोमुख, सहिद परिवारलगायत द्धन्द पीडित नागरिकको निःशुल्क स्वास्थ्य परीक्षण गरिनेछ । नसर्ने रोगहरुको समयमा निदान गर्ने उदेस्य सहित सञ्चालित उक्त कार्यक्रम चालु आर्थिक वर्षमा जिल्लाको विदुर नगरपालिका र बेलकोटगढी नगरपालिकामा रहेका नागरिकहरुको निशुल्क उपचार गरिने छ ।

विदुर नगरपालिकाको १३ र बेलकोटगढी नगरपालिकाको १३ वडा गरी २६ वडाको २५÷२५ जनाको निशुल्क उपचार गरिने जिल्ला अस्पताल त्रिशुलीका मेडिकल सुपरिटेन्डेन डाक्टर रेमकुमार राइले बताउनुभएको छ । दुई स्थानीय तहका वडाहरुले सिफारिस गरेका विरामीहरु बहेक मुख्यमन्त्री जनता स्वास्थ्य परीक्षण कार्यत्रममा सहभागि हुन चाहानेलाई २५ प्रतिशत छुटमा सेवा पाउने डाक्टर राइले बताउनुभएको छ ।

मुख्यमन्त्री जनता स्वास्थ्य परीक्षण कार्यक्रमको उद्घाटन कार्यक्रमलाई संवोधन गर्नुहुदै जिल्ला समन्वय समिति नुवाकोटका प्रमुख सन्तमान तामाङले वडा कार्यालयबाट सिफारिस गर्दा विशोध्यान दिनुपर्ने बताउनुभएको छ । उहाँले सबै पक्षलाई अपनत्व दिलाउने गरि उक्त कार्यक्रमलाई सञ्चालन गर्नुपर्ने बताउनुभएको छ ।

यस्तै विदुर नगरपालिकाका मेयर सञ्जु पण्डितले अस्पताल व्यवस्थापन समिति र अस्पतालमा कार्यरत कर्मचारीहरुलाई गुणस्तरीय सेवा प्रवाह गर्न आग्रह गर्नुभएको छ । नुवाकोट, रसुवा र धादिङको केन्द्रविन्दुमा रहेको जिल्ला अस्पतालको प्रगतिको लागि नगरपालिकाले आवस्यक सहयोग गर्ने प्रतिवद्धता जनाउनुभएको छ । यस्तै प्रमुख जिल्ला अधिकारी द्रोण पोखरेलले सेवालाई प्रविविसँग जाड्न आग्ह गनुृभएको छ । कार्यक्रममा बेलकोटगढी नगरपालिका वडा नम्बर ११ का वडा अध्यक्ष रामहरी पाण्डेले विरामीको सिफारिस गर्दा पारदर्शिता कायम गर्ने बताउनुभएको छ ।

यस्तै अस्पताल व्यवस्थापन समितिका अध्यक्ष अर्जुन न्यौपानेले नसेर्ने रोग फैलदा अवस्थामा रहेकोले त्यसलाई न्यूनिकरण गर्न अस्पताल पक्ष सक्रिय रहेको बताउनुभएको छ । वागमती प्रदेश सामाजिक विकास मन्त्रालय स्वास्थ्य निर्देशनालयद्धारा सञ्चालित मुख्यमन्त्री जनता स्वास्थ्य परीक्षण कार्यक्रम हरेक हप्ताको मंगलबार र बुधबार सञ्चालन हुने बताइएको छ ।