नुवाकोटमा माक्सको चरभ अभाव, प्रशासनको छड्के अनुगमन

बट्टार । नुवाकोटमा माक्सको चरम अभाव भएको छ ।

बुधवार जिल्ला प्रशासन कार्यलयका सहायक प्रमुख जिल्ला अधिकारी बद्रीनाथ गैरेको नेतृत्वमा भएको मेडिकलहरुको अनुगमनको क्रममा जिल्लामा माक्सको चरम अभाव भएको तथ्य सार्वजनिक भएको हो । अनुगमन टोलीले विदुर र बट्टारमा रहेका मेडिकलहरुको अनुगमन गर्दा माक्सको चरम अभाव भएको नुवाकोटका सहायक प्रमुख जिल्ला अधिकारी बद्रीनाथ गैरेले जानकारी दिनुभयो ।

अनुगमनको क्रममा जिल्लामा कुनैपनि किसिमको माक्स भेटिएको छैन सहायक प्रजिअ गैरेले भन्नुभयो । कोराना भाइरसको कारण जिल्लामा माक्सको अभाव भएको गुनासो बढेपछि जिल्ला प्रशासनले जिल्लामा भएका विभिन्न मेडिकल पसलहरुको अनुगमन गरेको हो ।

यसैविच बुधवार नै अनुगमन टोलिले जिल्लाका विभिन्न ८ ओटा किराना पसलहरुको अनुगमन गरेको छ । किराना पसलहरुको अनुगमनको क्रममा म्याद गुर्जेको खाद्य सामाग्री भेटिएको घरेलु कार्यालय नुवाकोटका प्रमुख तारादत्त भट्टले जानकारी दिनुभयो ।