अपडेट : नुवाकोटको सिम्लेबगरमा आइचर दुर्घटना,चार घाईते

किस्पाङ । किस्पाङ गाउँपालिका वडा नम्बर ५ सिम्लेबगरमा मंगलबार विहान आइचर दुर्घटना हुँदा चारजना घाइते भएका छन ।

शान्ति बजारबाट रसुवाको सल्लेटार गई रहेको बा ३ ख ५२२७ नम्बरको आइचर अनियन्त्रित भई सडकबाट अन्दाजी करिव १५ मिटर तल खस्दा आइचरमा रहेका चालकसहित चारजना घाईते भएको जिल्ला प्रहरी कार्यालय नुवाकोटले जनाएको छ । घाइतेहुनेहरुमा किस्पाङ गापा ५ शान्तिबजारका ५५ वर्षिय खिलप्रसाद भट्टराई, ४५ वर्षिय हेमबहादुर भट्टराई, ४० वर्षिय बुद्धिमाया तामाङ र उनका ४२ वर्षिय श्रीमान आईतराम तामाङ रहेको जिल्ला प्रहरी कार्यालय नुवाकोटले जनाएको छ ।

घाइतेमध्ये भट्टराईद्धयको दुबै खुट्टा र शरीरमा चोट लागेको बुद्धिमाया तामाङको टाउँकोमा गम्भीर चोट लागेको जिल्ला प्रहरी कार्यालय नुवाकोटका डिएसपी राजेश थापाले जानकारी दिनुभयो । त्यस्तै उनका श्रीमान आईतराम तामाङको अवस्था सामान्य रहेको बताइएको छ । घाइतेमध्ये भट्टराईद्धयलाई ऐभरेष्ट ऐयरको हेलिकप्टरमार्फत काठमाण्डौ छाउनी अस्पताल लगिएको छ भने तामाङ दम्पतिलाई एम्बुलेन्समार्फत थप उपचारको लागि काठमाण्डौ ग्रिन सिटि अस्पताल लगिएको छ ।

घटनाको थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।