नहरमा डुबेर नुवाकोटको तुप्चेमा बालकको ज्यान गयो

नुवाकोट । नुवाकोटको विदुर नगरपालिका वडा नम्बर ७ तुप्चेका १४ वर्षिय बालक शंकर तामाङको नहरमा डुबेर ज्यान गएको छ ।

विहान मर्डिङ वाक गर्न गएका तामाङ हेम पाइपको कलभर्ट बाट त्रिशुली जलबिधुतको नहरमा खसी बेपत्ता भएका थिए । उनलाई खसेको स्थानबाट दक्षिणतर्फ करिव १.५ किलोमिटर टाढा त्रिशुलि हाइड्रोपावरको ड्याम सिल ट्याङ्कीमा मृत अवस्थामा फेला पारिएको जिल्ला प्रहरी कार्यालय नुवाकोटका प्रहरी उपरिक्षक अभिनारायण काफ्लेले जानकारी दिए ।

मृतक बालकको शव परिक्षणको लागि जिल्ला अस्पताल लगिएको प्रहरीले जनाएको छ ।