नुवाकोटको मुन्थलामा आइचर दुर्घटना,दुई जनाको मृत्यु 

नुवाकोट । आइतबार विहान नुवाकोटको विदुर नगरपालिका–६ स्थित मुलथलामा मिनिट्रक (आइचर) दुर्घटना हुदा दुई जनाको मृत्यु भएको छ ।

मृत्यु हुनेमा मुन्थला चैनपुर सडक खण्डमा काम गर्ने कामदारहरु रहेका छन् ।  बा २ क ७९१० नं.को आइचर दुर्घटना हुदा रसवाको नौकुण्ड गाउँपालिका–३ का सुदिप तामाङ र खोटाङ घर भएका अनिल तामाङको मृत्यु भएको जिल्ला प्रहरी कार्यालय नुवाकोटले जनाएको छ । यस्तै दुर्घटना हुदा ६ जना घाइते भएका छन् । 

घाइतेहरुमा जाजरकोट स्यालाका बिमल सुनार, जाजरकोट भेरीका टंकराज सुनार, हेमराज ठकुरी, तिलक खत्री, नुवाकोट बिदुर नगरपालिका– ६ मुलथलाका सचितकुमार रिमाल रहेका छन् । आइचर चालक नुवाकोट ककनी गाउँपालिका–१ का गणेश बलामी समेत घाइते भएका छन् । 

घाइतेहरुलाई जिल्ला अस्पताल त्रिशुलीबाट थप उपचारको लागि काठमाडौँ पठाइएको प्रहरी कार्यालय नुवाकोटका प्रहरी नायव उपरिक्षक राजेश थापाले बताउनुभएको छ ।