नुवाकोटमा नेकपाका वडाअध्यक्षका छोराले चोरे मोटरसाईकल

विदुर खबर २०७६ असोज २८ गते १९:१७

नुवाकोट । नुवाकोटको बेलकोटगढी नगरपालिका वडा नम्बर ४ का नेकपाका वडाअध्यक्ष चन्द्रबहादुर लामा (जनम)का छोरा बाईक चोरेको आरोपमा मंगलबार पक्राउ परेका छन ।

Advertisement

पक्राउ पर्नेमा वडाअध्यक्ष लामाका छोरा टेकबहादुर लामा रहेको जिल्ला प्रहरी कार्यालय नुवाकोटले जनाएको छ । टेकबहादुरसँगै अन्य तीन जना पनि पक्राउ परेका छन । उनीहरुलाई विदुर नगरपालिका वडा नम्बर ६ बाट पक्राउ गरिएको हो । नुवाकोटमा पछिल्लो समय व्यापक रुपमा मोटरसाईकल चोरी हुने गरेको गुनासो गरेपछि नुवाकोट प्रहरीले चेँकजाँचमा कडाई शुरु गरेसँगै चोरीका मोटरसाईकल समातिन थालेका हुन । यसै क्रममा पछिल्लो ३ दिनमा मात्र मोटरसाइकल चोरीमा संलग्न ६ जनालाई गरिएको जिल्ला प्रहरी कार्यालय नुवाकोटले जनाएको छ ।

त्यस्तै पक्राउ पर्ने अन्यमा आकाश तामाङ, सुनिल गोले, सेत बहादुर तामाङ रहेका छन् । त्यस्तै विक्रम आचार्य र सितल केसीलाई भने विदुर नगरपालिका–६ बाट पक्राउ गरिएको प्रहरीले जानकारी दिएको छ । अध्यक्षका छोरा टेकबहादुरले बा–७३–प ४८५८ नम्बर प्लेटको चोरीको मोटर साईकल प्रयोग गरेको प्रहरीले जनाएको छ । त्यस्तै अन्यले प्रयोग गरेका बा–९९–प १७२८, बा–८०–प २१०१ र बा–७०–प ५७४८ नम्बरका मोटर साईकलहरु पनि नियन्त्रणमा लिइएको प्रहरीले जनाएको छ ।उनीहरुमाथि थप अनुसन्धान भइरहेको जिल्ला प्रहरी कार्यालय नुवाकोटका प्रहरी नायव उपरिक्षक राजेश थापाले जानकारी दिए ।

Advertisement

प्रतिक्रिया