विदुर चोकमा मोटरसाईकल एकआपसमा ठोकिए, दुई घाईते

नुवाकोट, विदुर नगरपालिका वडा नम्बर ४ लोकतान्त्रिक चौतारोमा केहीवेरअघि दुई मोटरसाईकल एक आपसमा ठोकिँदा दुई जना घाईते भएका छन ।

घाईते हुनेमा विदुर नगरपालिका वडा नम्बर ४ का रमेश गिरी र विदुर नगरपालिका वडा नम्बर ८ का रुपेश श्रेष्ठ रहेको जिल्ला प्रहरी कार्यालय नुवाकोटले जनाएको छ । त्रिशुलिबाट वट्टारतर्फ आउदै गरेको बा ८८ प७४४६ नं मोटरसाईकलले बिपरीत दिशाबाट आईरहेको प्रदेश नं ३–०२–००२ प ००८ मोटरसाईकललाई ठक्कर दिएको प्रहरीले जनाएको छ ।

दुर्घटनामा परि घाइते भएका गिरीको दाइने खुट्टा फ्यक्चर भएको प्रहरीले जनाएको छ उनको उपचारको लागी काठमाण्डौ पठाइएको छ भने श्रेष्ठको बिदुर सिटी अस्पतालमा उपचार गरिरहेको नुवाकोटका प्रहरी प्रमुख अबि नारायण काफ्लेले जानकारी दिए ।