पन्चकन्या गाउँपालिकामा प्रधानमन्त्रि रोजगार कार्यक्रम शुरु,बाटो खन्दै महिलाहरु

नुवाकोट असार ५, पन्चकन्या गाउँपालिकामा बुधबारदेखि प्रधानमन्त्रि रोजगार कार्यक्रम शुरु भएको छ ।

गाउँपालिकाको वडा नम्बर २ मा प्रधानमन्त्रि कार्यक्रम अन्र्तगत बाटो खन्ने र सरसफाई गर्ने कार्यक्रम शुरु भएको वडा नम्बर २ का वडाअध्यक्ष धुव्रप्रसाद मिश्रले जानकारी दिए । कार्यक्रममा १२ महिला र २ पुरुष गरि १४ जना सहभागी भएको मिश्रले बताए ।

कार्यक्रम अन्र्तगत सहरेटार र मिश्रगाउँ जानेबाटो नाली खन्ने सरसफाईको काम शुरु गरिएको वडा कार्यालयले जनाएको छ ।

वर्खायाममा सडक अवरुद्ध हुने भएकोले समयमै नाली कटान थालिएको बताइएको छ । सहभागिहरुलाई विहान र दिउँसो गरी दुई समुहमा मिलाएर काम गराईको वडाअध्यक्ष मिश्रको भनाई छ । कार्यक्रम अन्र्तगत गाउँपालिकालाई १० लाख रुपैयाँ आएको र सो मध्ये ५ लाख वडा नम्बर २ प्रधानमन्त्रि रोजगार कार्यक्रम अन्र्तगत छुट्टाइएको गाउँपालिकाको कार्यालयले जनाएको छ । कार्यक्रम ढिला आएकोले गाउँपालिकामा काम ढिलो गरि शुरु भएको वडाअध्यक्ष मिश्रको भनाई छ ।