अस्थायी करार शिक्षक नुवाकोटको भेला शनिबार हुने

अस्थायी करार शिक्षक संघर्ष समिति नुवाकोटको आव्हानमा भोलि अर्थात शनिबार भेला हुने भएको छ ।

शिक्षा ऐन २०२८ खारिज भई संघिय शिक्षा ऐन आउने र संघिय शिक्षा ऐनमा करार शिक्षकको कुनै कुरा नलेखिने भएकाले भेला आयोजना गरिएको आयोजकले जनाएको छ । अस्थायी करार शिक्षक संघर्ष समिति नुवाकोटले भोलि नुवाकोट जिल्लाभरका शिक्षकहरुको भेला गर्ने तयारी पूरा गरीसकेको अस्थायी करार केन्द्रिय समितिका उपाध्यक्ष कुमार पौडेलले जानकारी दिनुभयो।

विदुर नगरपालिकाको ढुङ्गेमा हुन गइरहेको भेलामा स्थानीय सरकारी विद्यालयहरुका २०७२ कार्तिक २ गते पछाडीका आन्तरिक परीक्षा बाट बिमुख तीन सय पचहत्तर करार शिक्षकलाई उपस्थितिका लागि पत्राचार तथा सूचित गरिसकिएको संघर्ष समितिले बताएको छ। कार्यक्रममा पेसागत संघ,संगठन तथा राजनीतिक कर्मीलाई पनि आमन्त्रण गरिएको छ ।