नुवाकोटको त्रिशूलीमा बगेर विद्यार्थी बेपत्ता

नुवाकोट । बेलकोटगढी नगरपालिका-७ महादेवफाँटस्थित त्रिशूली नदीमा नुहाउने क्रममा बगाएर एक बालक बेपत्ता भएका छन् ।

स्थानीय महादेव माविमा कक्षा ५ मा अध्ययरत १० वर्षीय रामचन्द्र बिक विद्यालयबाट छुटेर त्रिशूलीमा नुहाउने क्रममा बगाएर बेपत्ता भएको जिल्ला प्रहरी कार्यालयका प्रमुख तथा एसपी रमेश पण्डितले बताए ।

बेपत्ता बालकको खोजी जारी रहेको प्रहरीले जनाएको छ । घटनास्थल विदुर सदरमुकामबाट १७ किमि दक्षिणमा रहेको छ ।