नेपाली कांग्रेस नुवाकोटका नेता तामाङ पक्राउ

नुवाकोट । नेपाली कांग्रेसका नेता सुनबहादुर तामाङ ठगी आरोपमा पक्राउ परेका छन ।

झण्डै चार सय चेलिबेटी दिल्लीको कोठीमा बेचेको आरोप लागेर सुरूवाती अदालतबाट दोषी प्रमाणित भएका सुनबहादुर सर्वोच्चबाट माथिल्लो अदालतबाट सेटिङमा सफाइ पाएर राजनीतिमा फर्किएका थिए ।

दुप्चेश्वर गाउँपालिका वडा नम्बर १ का संस्थापक वडा अध्यक्ष सुनबहादुर काठमाडौँको माकलबारीबाट पक्राउ परेका हुन । सुनबहादुरलाई काठमाडौं उपत्यका अपराध अनुसन्धान कार्यालयले ठगी आरोपमा पक्राउ गरेको हो । सुनबहादुरले जापान पठाउने नाममा एक महिलालाई ठगी गरेका थिए ।

जापान पठाउने भन्दै उनले एक महिलाबाट १२ लाख रुपैयाँ लिएका थिए । जापानमा मासिक १ लाख कमाइ हुने गरी कृषि काममा र पठाइदिने र त्यसका लागि १२ लाख लाग्ने भन्दै सुनबहादुरले पैसा ठगेको प्रहरीले जनाएको छ ।

प्रहरीले अहिले सुनबहादुरलाई आवश्यक कारबाहीका लागि वैदेशिक रोजगार विभागमा पठाएको छ ।