नुवाकोटमा राहदानी र रााष्ट्रिय परिचय पत्रको फर्म भर्दा पैसा नलाग्ने

नु्वाकोट । नुवाकोटमा राहदानी र राष्ट्रिय परिचय पत्रको फर्म निशुल्क भर्न सकिने भएको छ ।

सोमवार जिल्ला प्रशासन कार्यालय विदुरमा वसेको बैठकले जिल्लामा राहदानी र रााष्ट्रिय परिचयपत्रको फर्म निशुल्क रुपमा भर्ने व्यवस्था मिलाउने निर्णय गरेको हो ।

बैठकामा विदुर नगरपालिकाका मेयर राजन श्रेष्ठ र उपमेयर प्रभा बोगटीले फर्म भर्नको लागि विदुर नगरपालिकाले आवश्यक जनशक्ति र उपकरणको व्यवस्था गर्ने बताएपछि सो निर्णय गरिएको हो ।

राहदानी सेवा र राष्ट्रिय परिचय पत्र सेवालाई आगामी जेठ १ गतेदेखि निशुल्क हुने बताइएको छ ।

यसअघि रााष्ट्रिय परिचय पत्र र राहदानीको फर्म भर्दा लेखापढि व्यवसायीहरुले चर्काे शुल्क लिएको उजुरी परेपछि जिल्ला प्रशासन कार्यालयले निशुल्क फर्म भर्ने व्यवस्था मिलाउन सरोकारवालाहरुसँग छलफल गरेको थियो ।