चैनपुर वस र्दुघटनाका घाइते भेट्न केसी दाजुभाई अस्पताल पुगे

नुवाकोट । नुवाकोटको विदुर १२ चैनपुरमा भएको वस र्दुघटनाको घाइतेहरुको अवस्था बुझ्न केसी दाजुभाई काठमाण्डौका ट्रमा सेन्टर पुगेका छन् ।

नुवाकोटमा सामान्य उपचार गरि काठमाण्डौ रिफर गरिएका विरामीहरुको अवस्था बुझ्न नेपाली कांग्रेसका नेताद्धय केदारनरसिंह केसी र जगदिश्वरनरसिंह केसी अस्पताल पुगेका हुन् ।

उनीहरुले विरामी अवस्था बुझी अस्पताल प्रशासनलाई उपचारमा कुनै कसर बाँकी नराख्नु आग्रह गरेका छन् ।

यसअघि आजै विदुर १२ चैनपुरमा यात्रुवाहक वस र्दुघटना हुँदा ३ जनाको मृत्यु भएको थियो भने २५ जना घाइते भएका छन् ।