नुवाकोटका रिमाल यातायात व्यवसायी महासंघको उपाध्यक्षमा निर्वाचित

नुवाकोट । नुवाकोटका युवा व्यवसायी रवि रिमाल यातायात व्यवसायीहरुको छाता संगठन नेपाल यातायात व्यवसायी राष्ट्रिय महासंघको उपाध्यक्षमा निर्वाचित भएका छन् ।

महासंघको छैटौँ महाधिवेशनमा उनी भारी मत ल्याएर विजयी भएका हुन् । बुधवार विहान सम्पन्न भएको मतगणनामा उपाध्यक्षका उम्मेदवारमध्ये रिमालले ३३४ मत प्राप्त गरेका थिए ।

नुवाकोटमा रिमालले पासाङल्हामु बस व्यवसायी कम्पनीमार्फत आफ्नो व्यवसायीक यात्रा अगाडि बढाइरहेका छन् ।

यातायात व्यवसायीको उपाध्यक्ष निर्वाचित रिमालले नेपालको यातायात क्षेत्रमा देखिएका समस्या समाधानका लागि नेतृत्वदायी भूमिका खेल्दे आइरहेका छन् ।

उनी यसअघि महासंघको उप–महासचिव रहेका थिए ।