अध्यादेशको विरोधमा रसुवामा प्रर्दशन

रसुवा । नेकपा एमालेको युवा संगठन युवा संघ र अनेरास्ववीयु रसुवाले सरकारले ल्याएको दल विभाजन सम्बन्धी विधेयकविरुद्ध प्रदर्शन गरेको छ ।

मंगलबार साँझ धुन्चेमा नेकपा एमाले अध्यक्ष केपी शर्मा ओली पक्षधर संगठन राष्ट्रिय युवासंघ नेपाल र विद्यार्थी संगठन अनेरास्ववीयुले सरकारले ल्याएको पार्टी विभाजनसम्बन्धी विधेयकको विरोधमा प्रदर्शन गरेको हो ।

प्रर्दशनमा नेकपा एमाले जिन्दावाद, मापसे सरकार मुर्दावाद, दल विभाजनसम्बन्धी विधेयक खारेज गर जस्ता नारा लगाएर युवाहरुले विरोध प्रदर्शन गरेका हुन् ।

सरकारले मंगलबार बसेको मन्त्रिपरिषद् बैठकबाट केन्द्रीय समिति वा संसदीय दलमा २० प्रतिशत संख्या पु¥याए दल विभाजन गर्न सक्ने गरी राजनीतिक दल विभाजनसम्बन्धी विधेयक ल्याएको थियो ।

तश्वीर : सरस्वती न्यौपानेको फेसबुकबाट ।