प्रथम छहरे महाेत्सवकाे तयारी तिव्र

नुवाकोट । नुवाकोटको लिखु गाउँपालिकाको छहरे बजारमा फागुन १४ देखि २२ गतेसम्म हुने प्रथम छहरे महोत्सवको तयारी सुरु भएको छ ।

जिल्लाको पर्यटकीय विकास, आन्तरिक व्यापार, लोक कला संस्कृति संरक्षण तथा प्रवर्द्धनका लागि गर्न लागिएको महोत्सव गर्न लागिएको महोत्सवका संयोजक सानु केसीले जानकारी दिए । महोत्सवमा स्थानीय कृषि सामग्री, धार्मिक तथा पर्यटकीय स्थानको प्रचारप्रसार गरिने बताइएको छ ।

त्यस्तै महोत्सवमा स्थानीय झाकी, लाखे नाच, धामी नाच,धिमे नाच, लोक दोहोरी, खैचडी भजनको समेत अवलोकन गर्न पाइने आयोजकले जनाएको छ । महोत्सवमा झण्डै २ लाख दर्शकले अवलोकन गर्ने बताइएको छ । लिखु गाउँपालिकाको सहयोगमा हुन गइरहेको महोत्सवको व्यवस्थापन ज्योति फिल्मले गरेको छ ।