भागरथीको हत्याको विरोधमा नुवाकोटमा प्रर्दशन

नुवाकोट । बैतडीको दोगडकादार गाउँपालिका वडा नम्बर ७ चडेपानीकी १७ वर्षीया किशोरी भागरथी भट्टको हत्याको विरोधमा नुवाकोटमा विद्यार्थीहरुले प्रर्दशन गरेका छन् ।

नुवाकोट आर्दश बहुमुखी क्याम्पस बट्टारबाट स्वतन्त्र न्यायप्रेमी समुहले आयोजना गरेको विरोध प्रर्दशनमा बट्टार क्याम्पसका विद्यार्थीहरु, नागरिक समाजका व्यक्तिहरु तथा विभिन्न संघसंस्थाका पदाधिकारीहरुको सहभागिता रहेको थियो ।

शान्तिपुर्ण प्रर्दशनमा युवा विद्यार्थीले हत्यारालाई कारवाही गर, बलात्कारीलाई फाँसी दे लगायतका नारा लगाएका थिए । बट्टारबाट शुरु भएको र्रयाली विदुरको लोकतान्त्रिक चौतारोमा पुगेर कोणसभामा परिणत भएको छ ।

बलात्कारपछि मृत्य अवस्थामा वनमा भेटिएकी भागरथीको ४ दिन बितिसक्दा समेत हत्यारा पत्ता लागेको छैन ।