मुत्तिनाथ विकास बैंकबाट कारोवार गरेका बेलकोटगढीका कुमार तामाङले जिते रेडमी मोबाइल

नुवाकोट । मुत्तिनाथ विकास बैकंले दर्शै–तिहारमा आयोजना गरेको डिजिटल बैकिङ्ग प्रोत्सहन अभियानको विजेता नुवाकोटको बेलकोटगढी नगरपालिका वडा नम्बर १२ का कुमार तामाङ भएका छन् ।

कोरोना महामारीको समयमा डिजिटल बैकिङ्गलाई प्रोत्साहन गर्न आयोजना गरिएको दशैं–तिहार डिजिटल बैकिङ्ग अभियानमा उनी देशभरबाटै उत्कृष्ट छानिँदै रेडमी–९ मोबाइलको विजेत बनेको मुत्तिनाथ विकास बैंक लिमिटेड बटर शाखाका शाखा प्रबन्धक माधव अधिकारीले जनाकारी दिए । उनीसँगै देशभरका अन्य दुई सहभागि समेत अन्तिम ३ का लागि छनोटमा परेका थिए । स्टेसनरी व्यवसाय गर्ने तामाङले दैनिक २० पटकभन्दा बढी मोबाइल बैकिङ्गको माध्यमबाट कारोवार गरेको बट्टार शाखाका प्रबन्धक अधिकारीले बताए ।

नेपाल राष्ट्र बैंकबाट ख वर्गको राष्ट्रिय स्तरको विकास बैकंको मान्यता पाएको मुत्तिनाथ विकास बैंकले हाल एकसय ३८ औ शाखामार्फत सेवा प्रवाह गरिरहेको छ । नुवाकोटमा एकवर्षअघि बट्टारमा शाखा संचालन शुरु गरेको मुत्तिनाथ विकास बैंकको हाल २५ सयभन्दा बढी ग्राहक रहेका छन् ।

बट्टार शाखामार्फत बैंकले २२ करोड रुपैयाँ  ऋण प्रवाह गरेको छ भने ११ करोड निक्षेप संकलन गरेको बैकका शाखा प्रबन्धक माधव अधिकारीले बताएका छन् ।