नुवाकोटको दुप्चेश्वरमा मानब बेचबिखनका आरोपित पक्राउ

नुवाकोट । नुवाकोटको दुप्चेश्वर गाउँपालिकाका एक व्यक्ति मानब बेचबिखनको आरोपमा पक्राउ परेका छन् ।

पक्राउ पर्नेमा दुप्चेश्वर गाउँपालिका वडा नम्बर १ घ्याङफेदीका सुकमान तामाङ रहेको जिल्ला प्रहरी कार्यालय नुवाकोटले जनाएको छ । जिल्ला अदालत नुवाकोटले वि सं २०७४ चैत्र ७ गतेका दिन मानब बेचबिखन तथा ओसारपसार मुद्दामा उनलाई दोषी ठहरिई ३० बर्ष ५ महिना २८ दिन कैद र दुई लाख ५० हजार जरिवाना तोकिएकोमा उनी फरार रहेका थिए ।

अदालतको फैसलापश्चात फरार रहेका उनी काठमाण्डौको गोकर्णेश्वर न.पा.०५  लुकाई लुकीछिपी बसिरहेको अबस्थामा प्रहरीको विशेष टोलीले उनलाई पक्राउ गरेको थियो । उनलाई जिल्ला अदालतमा पेश गरि अदालतको आदेश अनुसार कैद भुक्तानीको लागी कारागार चलान भएको नुवाकोट प्रहरीले जनाएको छ ।