पात्ले खोलाले वितण्डा मच्चाउँदा सयौ रोपनी धानबाली नष्ट, स्थानिय त्रसित

गेर्खुखोला । बिहिबार राती परेको वर्षाको कारण पाल्ले खोलामा आएको बाढीले वितन्डा मच्चाउँदा विदुर नगरपालिका वडा नम्बर १० गेर्खुखोलाको एक दर्जनभन्दा बढी घर जोखिममा परेको छ भने सयौ रोपनी धानबालीमा क्षति पुराएको छ ।

स्थानिय सोहन धमलाका अनुसार बस्तीमा पात्ले खोलाको बाढी पसेपछि एक दर्जनभन्दा बढी घरका स्थानियहरुले पशुचौपायलाई समेत सुरक्षित स्थानमा राखेका थिए । वस्तीमा राती ९ बजेतिर बाढी पसेपछि ३५ जनाभन्दा बढी स्थानियसहित सिमुटार प्रहरीले घरको खाद्यान्नसहित पशु चौपायालाई सुरक्षित स्थानमा राखेका थिए ।  बाढीले क्षति पुराएको स्थानको आज जिल्ला प्रहरी कार्यालय नुवाकोटका डिएसपी राजेश थापा लगायत पुगेका थिए ।

यसअघि पनि पात्ले खोलामा आएको बाढीले पटकपटक स्थानियहरुलाई दुख दिएपनि सम्बन्धित निकायले भने समस्या समाधानको लागि पहल नगरेको भन्दै स्थानियबासीले दुखेसो पोखेका छन् ।