विदुर नगरपालिकाका थप तीनजनामा कोरोना पुष्टि

विदुर । विदुर नगरपालिकाका थप तीन जनामा कोरोना संक्रमणको पुष्टि भएको छ ।

जिल्ला स्वास्थ्य कार्यालय नुवाकोटका अनुसार विदुर नगरपालिकाको वडा नम्बर १ त्रिशुली क्वारेन्टाइनमा रहेका एकजना र बट्टारमा रहेको होटल सन्ध्याको क्वारेन्टाइनमा रहेका दुई जनामा कोरोना संक्रमण पुष्टि भएको बताइएको छ ।

राष्टिय जनस्वास्थ्य प्रयोगशाला टेकुमा परिक्ष्ण गर्दा उनीहरुको पिसिआर पोजेटिभ देखिएको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए । संक्रमितहरु १८,२२ र ४६ वर्षका पुरुषहरु रहेका छन् । उनीहरुमध्ये एक दुई जना प्रदेश नम्बर २ र एकजना प्रदेश नम्बर ५ बाट नुवाकोट कामको लागि आएको बताइएको छ । यससँगै नुवाकोटमा कोरोना संक्रमितको संख्या ५७ पुगेको छ ।

त्यस्तै नुवाकोटमा हालसम्म ३७ जनाले कोेरोनालाई जितेर घर फर्किसकेका छन् ।