तामेका क्यान्सर पिडित बालकलाई तादी गाउँपालिकाको ५० हजार सहयोग

विदुर । नुवाकोटको तादी गाउँपालिका वडा नम्बर ४ तामेका १७ वर्षिय सिताराम कुइकेललाई तादी गाउँपालिकाले ५० हजार रुपैयाँ सहयोग गरेको छ ।

विगत दुई महिनादेखि ब्लड क्यानसरबाट पिडित भएका उनलाई गाउँपालिकाका अध्यक्ष नारायणप्रसाद पाण्डेले उपचार खर्च वापत ५० हजार रुपैयाँ हस्तान्तरण गरेका हुन । कमजोर आर्थिक अवस्था भएका कुइकेललाई सबैले मिलेर सहयोग गर्नुपर्नेमा गाउँपालिकाका अध्यक्ष पाण्डले जोड दिए ।

यसैविच कुइकेलको जीवनरक्षाको लागि सहयोग संकलन शुरु गरिएको छ । उनको आर्थिक अवस्था नाजुक रहेको भन्दै सहयोग रकम संकलन अभियान शूरु गरिएको तादी गाउँपालिका काठमाण्डौ सम्पर्क समितिले जनाएको छ ।त्यस्तै क्यान्सर पिडित बालक सितारामले समेत आफ्नो आर्थिक अवस्था राम्रो नभएकोले उपचार गर्न कठिन भएको भन्दै सहयोग गर्न अपिल गरेका छन ।