नुवाकोटमा पेट्रोलिय व्यवसायीको दादागिरी, प्रशासन मौन

नुवाकोट असार १८, जिल्ला प्रशासन कार्यालय मौन रहदा नुवाकोटमा रहेका पेट्रोलिय व्यवसायीले दादागिरी देखाउन थालेका छन ।

जिल्लामा व्यवसायीहरुले सरकारले निर्धारण गरेको भन्दा बढी मूल्यमा नुवाकोटमा पेट्रोलियम पदार्थ बिक्री गर्दै आएका छन । सरकारले तोकेको दरभन्दा बढी पैसा असुल्ने गरेपनि स्थानि प्रशासनले ध्यान नदिँदा सवारी चालक र उपभोक्ता ठगिँदै आएका छन् । बढी मूल्य नलिन प्रशासनले आग्रह गरेपनि व्यवसायीले अटेर गर्दै आएका छन । जिल्ला प्रशासनले पेट्रोल बिक्री वितरण गर्ने व्यवसायीहरुलाई गत माघमा बोलाएर छलफल गरेको थियो । छलफलमा व्यवसायीहरुले एक हप्ताभित्रै सरकारी मूल्य अनुसार नै पेट्रोलियम पदार्थ विक्री वितरण गर्ने प्रतिबद्धता जनाएपनि अझै कार्यान्वयन हुन सकेको छैन ।

नुवाकोटका प्रमुख जिल्ला अधिकारी द्रोण पोखरेलले आफु जिल्लामा आएको धेरै समय नभएको भन्दै सम्बन्धित निकायसँग जानकारी लिने बताए । उनले व्यवसायीहरुसँग छिट्टै यस विषयमा छलफल गर्ने बताए ।