नुवाकोट उद्योग वाणिज्य संघमा कसको पल्ला भारी,कार्की की श्रेष्ठ अगााडी

नुवाकोट चैत १७, व्यवसायीहरुको छाता संगठन नुवाकोट उद्योग वाणिज्य संघको १० औँ अधिबेसनमा नेपाली कांग्रेस र नेकपा निकटका व्यवसायीहरु फेरि आमनसामने हुने भएका छन ।

बाणिज्य संघको नेतृत्व लिनको लागी चुनाबि मैदानमा काग्रेस निकटका ताराकबहादुर कार्की र नेकपा निकटका व्यवसायी रमेश श्रेष्ठ मैदानमा उत्रिएका छन । कार्की र श्रेष्ठमध्ये कसको पल्ला भारी छ भन्ने विषयले अहिले गर्मी भएको नुवाकोटको सदरमुकाम विदुर आसपासका चिया पसलमा झन व्यापक रुपमा गरम गराइरहेको छ । अघिल्लो निर्वाचनमा झिनो मताअन्तरले विजयी भएका वर्तमान अध्यक्ष ताराबहादुर कार्की यसपटक नेकपाका दुई पार्टी एक भएको अवस्थामा कमजोर देखिन्छन । तर कार्कीले सबै व्यवसायीको हितमा आफुले काम गर्दै आएको भन्दै आफु यसपटक पनि विजयी हुँने बताउँदै आएका छन ।

यता गत निर्वाचनमा कार्कीसँग झिनो मतान्तरले पराजित भएका रमेश श्रेष्ठले यो पटक आफु भारी मतान्तरले विजयी हुने भन्दै अध्यक्षको दाबेदारी प्रस्तुत गरेको बताउँदै आएका छन । अहिलेको नुवाकोट उद्योग वाणिज्य संघको कार्यसमितिलाई हेर्दा पनि उनको त्यो भनाईलाई यसले सार्थकता देखाउँछ । किनकी अहिले वाणिज्य संघमा रहेको कार्यसमितिमा नेकपा निकटका व्यवसायीहरुको बहुमत छ । तत्कालिन एमाले र माओवादी एकभएपछि दुबै पार्टी निकट व्यवसायी एक भएको अवस्थामा कार्कीको अवस्था श्रेष्ठको भन्दा कमजोर हुन सक्छ । तर व्यवसायीहरु माँझ त्यति भिझ्न नसकेको श्रेष्ठ माथि आरोप लाग्ने गरेको छ । तर वाणिज्य संघका पुर्व अध्यक्षहरु कार्की निकट मानिँदा कार्की हौसिएका छन । कार्कीलाई जिताउँदा आफ्नो भलो हुने नेकपा निकटका केही पुर्वअध्यक्षहरुले अनौपचारिक रुपमा बताईरहँदा चुनावको मत परिणाम यसै होला भन्न सकिँदैन ।

तर नेकपा निकटका व्यवसायी एकजुट हुँदा भने कार्कीलाई गाह्रो पर्नसक्ने देखिन्छ । भोट क्रसिंङको तिव्र संभावना भएको यो निर्वाचनमा पराजित भएमा श्रेष्ठ राजनितिक भविष्य सकिनेछ । किनकी यसअघि पनि उनी पटकपटक कार्कीसँग पराजित भइसकेका छन । तर दोस्रो कार्यकालको लागि अध्यक्षमा उठेका कार्की यो पटक पनि जितेमा लगातार दुई कार्यकालको लागि अध्यक्ष बन्नेछन । तर पराजित भएमा पनि उनी सल्लाहकारको रुपमा रहेनछन । कार्की र श्रेष्ठमध्ये कसको पल्ला भारी रहनेछ भन्ने विषयमा भने उनका प्यानलमा रहेका सदस्यहरुको भुमिका र उनीहरु कत्तिको इमान्दार छन भन्ने विषयमा समेत निर्भर रहनेछ ।