नुवाकोटमा एक वर्षमा सवारी दुर्घटनाबाट १२ जनाको मृत्यु

नुवाकोट। नुवाकोटमा पछिल्लो एक वर्षको अवधिमा भएका सवारी दुर्घटनामा परी १२ जनाको मृत्यु भएको छ।

जिल्ला ट्राफिक प्रहरी कार्यालय नुवाकोटले दिएको जानकारी अनुसार आर्थिक वर्ष २०८२/८३ मा भएका विभिन्न सवारी दुर्घटनामा परी १२ जनाले ज्यान गुमाएका हुन्।

मृतकहरूमध्ये १० जना पुरुष र २ जना महिला रहेको जिल्ला ट्राफिक प्रहरी कार्यालयले जनाएको छ।

नुवाकोट ट्राफिक प्रहरीको तथ्यांक अनुसार आर्थिक वर्ष २०८२/८३ मा सवारी दुर्घटनाका कारण १० पुरुष र २ महिला गरी कुल १२ जनाको मृत्यु भएको छ।

साँघुरा तथा कच्ची सडक, तीव्र गति र सवारी चालकको लापरवाहीका कारण दुर्घटना हुने गरेको प्रहरीको भनाइ छ।

ट्राफिक प्रहरीले दुर्घटना न्यूनीकरणका लागि सवारी जाँच (चेकिङ) मा कडाइ गर्नुका साथै चेतनामूलक कार्यक्रमहरू सञ्चालन गर्दै आएको जनाएको छ।