विदेश पठाइदिन्छु भन्दै ठगी गर्ने नुवाकोटका बिक्रम पक्राउ

नुवाकाेट । वैदेशिक रोजगारीमा आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको अभियोगमा प्रहरीले नुवाकाेटका एक जनालाइ काठमाण्डाैबाट पक्राउ गरेको छ ।

पक्राउ पर्नेमा टोखा नगरपालिका-६ बस्ने नुवाकोट घर भएका २५ वर्षीय अग्रीम बिक्रम तिमोथी रहेकाे प्रहरीले जनाएकाे छ । उनले दक्षिण अफ्रिका पठाइदिन्छु भन्दै एकजना पीडितबाट ६ लाख ८५ हजार रूपैयाँ लिई सम्पर्कविहीन भएका थिए । 

पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले बिक्रमलाई टोखा नगरपालिका-६ बाट पक्राउ गरेकाे हाे ।

यस्तै प्रहरीले काठमाडौं महानगरपालिका-१५ बस्ने धादिङ घर भएका ४९ वर्षीय दिपक चन्द्र गौतमलाइ समेत पक्राउ गरेकाे छ । दिपकले ग्रिस पठाइदिन्छु भन्दै ३ जना पीडितहरूबाट ७ लाख ९४ हजार रूपैयाँ लिएर फरार भएकाे प्रहरीले जनाएकाे ५ ।