बट्टारमा मोटरसाइकलले ठक्कर दिँदा एककाे मृत्यु

नुवाकोट। नुवाकोटको विदुर नगरपालिका वडा नम्बर ४ बट्टार बजारमा सोमबार राति मोटरसाइकलको ठक्करबाट एकजना पैदलयात्रीको मृत्यु भएको छ ।

विदुरबाट बट्टारतर्फ जाँदै गरेको बा ४७ प १६३४ नम्बरको मोटरसाइकलले सोही ठाउँ बस्ने ५५ वर्षीय प्रेमप्रसाद रिजाललाई ठक्कर दिएको जिल्ला प्रहरी कार्यालय नुवाकोटका डिएसपी इकबाल हवारीले जानकारी दिए ।

मोटरसाईकलको ठक्करबाट गम्भीर घाईते भएका उनको उपचारको क्रममा काठमाण्डौको ग्रान्डी अस्पतालमा मृत्यु भएको प्रहरीले जनाएको छ ।

प्रहरीले उनलाई ठक्कद दिने मोटरसाईकल चालक विदुर–१ बस्ने ३० वर्षीय राजकुमार मिजारलाई प्रहरीले नियन्त्रणमा लिएर अनुसन्धान अघि बढाएको छ । मोटरसाईकल चालक मिजारको पनि दाहिने हत्केलामा सामान्य चोट लागेको छ ।

घटनाको विषयमा थप अनुसन्धान जारी रहेको प्रहरीले जनाएको छ ।