गुर्जेभन्ज्याङमा ईभी कार र्दुघटना, तीनजना घाइते

नुवाकोटको शिवपुरी गाउँपालिका वडा नम्बर ६ गुर्जेभन्ज्याङमा आज साँझ भएको कार र्दुघटनामा तीनजना गम्भीर घाइते भएका छन् ।

टोखा छहरे सडकखण्ड अन्र्तगत ढिकुरेबाट काठमाडौतर्फ जादै गरेको बिएई ०५६९ नम्बरको ईलेक्ट्रोनिक कार आफै अनियन्त्रित भई सडकबाट अन्दाजी १५० मिटर खोल्सामा खसेको जिल्ला प्रहरी कार्यालय नुवाकोटले जनाएको छ ।

र्दुघटनामा परि सिरहाको सुखीपुर नगरपालिका वडा नम्बर २ का संजिवकुमार चौधरी,सुनसरीको इनरवा नगरपालिका वडा नम्बर ५ घर भई हाल काठमाण्डौ ८ वस्ने उत्सव पोखरेल र काठमाण्डौको गौरीघाट वस्ने लोकेश मिश्र घाइते भएका छन् ।

घाईतेमध्ये चौधरीको अवस्था गम्भी रहेको छ भने पोखरेलको खुट्टामा चोट लागेको छ भने मिश्रको टाउँकोमा चोट लागेको प्रहरीले जनाएको छ ।

उनीहरुलाई उपचारको लागि काठमाण्डौ पठाईएको छ । घटना सम्बन्धमा थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।