प्रगतिशिल माविमा शत प्रतिशत विद्यार्थी उर्तिण

नुवाकोट । माध्यमिक शिक्षा परीक्षा -एसईई)को सोमबार प्रकाशित नतिजा अनुसार नुवाकोटको विदुर नगरपालिका वडा नम्बर ३ खड्गभञ्याङमा रहेको प्रगतिशिल माध्यामिक विद्यालयले शतप्रतिशत विद्यार्थी उत्तीर्ण गराउन सफल भएको छ ।

विदुर नगरपालिकामा रहेका २१ सामुदायिक विद्यालयमध्ये प्रगतिशिल माविले मात्रै शतप्रतिशत विद्यार्थी उर्तिण गराउन सफल भएको हो ।

विद्यालयबाट १६ जनाले परिक्षा दिँदा सबै उत्कृष्ट नतिजासहित उर्तिण भएको विद्यालयका प्रध्यानाअध्यापक कुमार पौडेलले जानकारी दिए । विद्यार्थीहरूको निरन्तर मेहनत, शिक्षकहरूको समर्पण तथा अभिभावकहरूको सहयोगका कारण विद्यालयले उल्लेखनीय नतिजा प्राप्त गर्न सफल भएको पौडेलले बताए ।

यस्तै विदुर नगरपालिकाको केही सामुदायिक विद्यालयको नतिजा भने निराशाजनक रहेको छ । सुलक्ष्णा माविको ३० प्रतिशत मात्र विद्यार्थी उर्तिण भएका छन् भने कालिका मावि गेर्खुका ३३ प्रतिशत मात्र विद्यार्थी उर्तिण भएका छन् ।
यस्तै भैरम माविको ४४ प्रतिशत मात्र विद्यार्थी उत्र्तिण भएका छन् ।

समग्रमा विदुर नगरपालिकामा रहेको सामुदायिक विद्यालयका ८१.४५ प्रतिशत विद्यार्थी उर्तिण भएका छन् जुन देशभर उर्तिण भएकाहरुभन्दा बढी हो ।