नुवाकोटको छहरेबाट लागुऔषधसहित ५ जना पक्राउ

नुवाकोट । नुवाकोटको लिखु गाउँपालिका वडा नम्बर ६ छहरे बजारबाट लागु औषधसहित ५ जना पक्राउ परेका छन् ।

छहरेमा रहेको एक होटलबाट उनीहरुलाई प्रहरीले ३.६८ ग्राम खैरो हिरोइनसहित पक्राउ गरेको हो । पक्राउ पर्नेमा नुवाकोटका दुई जना रहेका छन् भने रसुवाका तीनजना रहेको जिल्ला प्रहरी कार्यालय नुवाकोटले जनाएको छ ।

पक्राउ पर्नेमा नुवाकोटको विदुर १० का सुमन तामाङ, किस्पाङ गाउँपालिका वडा नम्बर १ का तुलसिङ तामाङ रहेका छन् ।
यस्तै पक्राउ पर्ने अन्यमा रसुवाको उत्तरगया गाउँपालिका वडा नम्बर ४ का २४ वर्षिय सुवास वाईवा, २२ वर्षिय चित्र बहादुर तामाङ र कालिका गाउँपालिका वडा नम्बर ३ का सुमन घर्तीमगर रहेको प्रहरीले जनाएको छ ।

गत शनिवार राती छहरे बजारको एक होटलबाट पक्राउ परेका उनीहरुलाई सोमवार जिल्ला अदालत नुवाकोटमा पेश गरिएको थियो । प्रहरीले अदालतबाट ९ दिनको म्याद थप गरि थप अनुसन्धान अघि बढाएको छ ।

घटनाको विषयमा थप अनुसन्धान जारी रहेको जिल्ला प्रहरी कार्यालय नुवाकोटले जनाएको छ ।